ಎಣ್ಣೆ....
ಎಣ್ಣೆಯ ಗಮ್ಮತ್ತು ಗೊತ್ತಾ ಗೆಳೆಯ
ಬಿಡಿಸುವದು ಮನದ ಒಂದೊಂದೇ ತೊಳೆಯ
ಕುಡಿದವಗೆ ಗೊತ್ತಿದರ ಮತ್ತು
ಮಾನವನೂ ಮಡುವ ಕಪಿ ಕಸರತ್ತು

ಗಮಾರನೂ ಮಾತಾಡುವ ಇಂಗ್ಲೀಸು
ಕೋಡಂಗಿಯೂ ಕೊಡುವ ಅಣ್ಣಾವ್ರ ಪೋಸು
ಇದಕಿಲ್ಲ ಜಾತಿ ಮತಗಳ ಬಾಧೆ
ಒಳಸೇರಿದರೆ ಎಲ್ಲರೂ ಮಾಡುವರು ಬೋಧೆ

ತಿರುಗುವದು ಕೆಳಗಿರುವ ಇಳೆ
ಬರಡು ಮನದಲಿ ಸುರಿಯುವುದು
ಕನಸುಗಳ ಮಳೆ.....
ಏರಿಸಿದರಂತೂ ಬಾಟಮ್ ಸಪ್ಪು
ಹಂಡೆಯಂತೆ ಕಾಣುವದು ಕಪ್ಪು

ಹೆಂಡತಿಯ ಮುಂದೆ ನಿಲ್ಲಲು ನೀಡುವದು ಧೈರ್ಯ
ಇದರ ಸಾಮ್ರಾಜ್ಯದಲ್ಲಿ ಎಲ್ಲ ಪ್ರಜೆಯೂ ಮೌರ್ಯ

ಅದಕೇ ಹಿಂದಿಯಲಿ ಹೇಳುವದು
ಜಾಮ್ ಕೋ ಲಗಾವೊ ಹೋಂಟ್
ಅದೇ ಅಂಗ್ಲದಲ್ಲಿ
ಹೋಲ್ ನೈಟ್ ಫುಲ್ ಟೈಟ್