ಹನಿ.....

ಕರುಣೆ

ಹೇ ದೇವ ಯೆನಗೇಕೆ ಬರುತಿಲ್ಲ ಸಾವು

ಎಷ್ಟು ದಿನ ಸಹಿಸಲಿ ಈ ವಿರಹದ ನೋವು

ನಿನಗಿಲ್ಲವೆ ಒಂದು ಹಿಡಿ ಕರುಣಿ

ಅಂದಾಗ ಅವನೆಂದ,

ನಿನ್ನ ಜೀವವ ಆಗಲೇ ಕೇಳಾಗಿದೆ ಆ ತರುಣಿ

ದನಿ

ನಿನ್ನ ಕೊರಳ ಕೊಳಲಿಂದ ಬರುತಿರೆ ನನ್ ಹೆಸರ ನಾದ

ಅನಿಸುತಿದೆ ಸಪ್ತ ಸ್ವರದೊಳು ನಡೆಯುತಿದೆ ಸಂವಾದ

ಪವನವೂ ಆಲಿಸುತಿದೆ ಮಾಡದೇ ಸದ್ದು

ಕೋಗಿಲೆ ಮಲಗಿದೆ ನಾಚಿ ಮುಸುಕ ಹೊದ್ದು

ಗಣಿತ

ಗಣಿತದಿ ನೀ ಬಲು ಜಾಣೆ

ಹ್ರುದಯವ ಕೂಡಿ,ವಿರಹವ ಕಳೆದೆ

ಸಂತೋಷವ ಗುಣಿಸಿ, ದುಃಖವ ಭಾಗಿಸಿದೆ,

ಎನ್ನ ಹ್ರುದಯವನೇ ಕದ್ದು,

ನನ್ನ ಅವಶೇಷವಾಗಿಸಿದೆ